Apple корпорацияси ўз смартфонлари учун инновацион ғилофлар ишлаб чиқаришни ният қилмоқда.
Янги аксессуар гаджетни совутиш хусусиятига эга бўлади.
Бу ҳақда "Appleinsider" хабар берган.
Компаниянинг ўзи янгилик ҳақидаги барча тафсилотларни ошкор қилмаган.
Нашрга кўра, совутадиган ғилоф MagSafe (қувватлантиргич) ёрдамида гаджетга ўз таъсирини кўрсатади.
Пассив совутиш технологиясига эга янги ғилоф дўконларда қачон пайдо бўлиши ҳақида хабар берилмаган.
Аввалроқ, Apple компанияси компьютер ва ноутбуклар учун ишлаб чиқарган процессорини намойиш қилгани ҳақида хабар бергандик.
Эслатиб ўтамиз, Apple жорий йилнинг 15 сентябрида янги соат ва iPadлар намойиш қилганди, 13 октябрь куни эса янги iPhoneларини тақдим этганди.